• Ineqi Kielsen - Naatsumik ilisaritinneq

    Ateq: Ineqi Hans-Enok Skourup Kielsen

    Najugaq: Akilliit BNR 599, 3921 Narsaq

    Inunngorfik: 31. august 1993 Narsap napparsimaviani

    Angajoqqaat: Ilena Kielsen [katinnginnermini; Skourup]

    aammalu Poul Kielsen. Ineqi marlunnik qatannguteqarpoq.

     

    Ineqi Kielsen Narsami inunngortoq, 1997-imi ukiaagaa ilaquttanilu Nuummut nuupput.

     

    Ukiut qulit meeqqat atuarfianni A.S.K-imi atuartuuvoq. Atuartutsialanngorluni atuarfik inaarutaasumik 2009-mi naammassivaa. 2009 ukiaagaa Qeqqani Ilinniarnertuunngorniarfimmi aallartippoq ukiullu pingasut ingerlallugu.

     

    2002-miit 2011 tikillugu TaeKwon-Domik timersortuuvoq. Tassanilu 2.dan qernertoq tilliffigisimallugu.

     

    Ineqip ulluinnarni timigissartarfinni aalajartorneq atugaraa.

     

    Ineqi politikkimut iseqqaarpoq ukioq 2009 tassani Siumup inuusuttaanut ilaasortanngorami. Ineqip siullermeerluni Siumup inuusuttaasa ataatsimeersuarnerat 2010-mi pisoq peqataarngaafigaa. 2012-imi maajimi Siumup Inuusuttunut Suleqatigiiffiani Nuna tamakkerlugu siulersuisunut ilannguppoq. Oktober 2012 Siumup Inuusuttunut Suleqatigiiffiata toqqarpaa Siumup nuna tamakkerlugu siulersuisuunerinut ilaasortanngussasoq. 2014 juniusoq Ineqi Siumup Inuusuttunut Suleqatigiiffiani Siulittaasup tullinngorpoq. 2014 novemberiugaa Ineqi inatsisartunut qinersinermi qinigaavoq Siumumi qinigaanerpaat tallimanngorluni.

     

    Aningaasarsiaqaataasunut tunngasunik soqutigisaqarfeqarnersunga uani takuuk

  • Ineqi Inatsisartuni

    Ineqip decemberip 12-at 2014-imiit ullumikkumut sulineranut oqaluttuassartaa

    Ataatsimiitsitaliat suliffigisimasat

    Inatsisartut Siulittaasoqarfiat [(maj 2016-nov. 2016 siulittaasup tulliata-sisamaat)(nov.2016- siulittaasup 2.tullia)]

    Suleriaaseq pillugu ataatsimiitsitaliaq [maj 2016 - ]

    Kukkunersiuinermut ataatsimiitsitaliaq [september 2015 - ] Ataatsimiitsitaliami siulittaasuuvoq

    Nunanut allanut sillimaniarnermullu ataatsimiitsitaliaq [Nov. 2016 - ]

    Inatsisinut ataatsimiitsitaliaq [dec. 2014 - mar. 2015]

    Inuussutissarsiornermut ataatsimiitsitaliaq [dec. 2014 - mar. 2015]

    Avatangiisinut eqqissisimatitsinermullu ataatsimiitsitaliaq [mar. 2015 - ]

    Kultureqarnermut, ilinnartitaanermut, ilisimatusarnermut ilageeqarnermullu ataatsimiitsitaliaq [mar. 2015 - ]

    Ilaqutariinnermut peqqissutsimullu ataatsimiitsitaliaq [mar. 2015 - sept. 2016]

    Aatsitassanut ataatsimiitsitaliaq [(mar. 2015 - mar. 2016) (nov. 2016- )]

     

    Nunat avannarliit siunnersuisooqatigiivi [dec. 2014 - ]

    ICC [dec. 2014 - ]

  • Ineqi Kielsen - Politikkeri nutaaq

    Illoqarfeeqqami Narsami inunngortoq, Nuummi Nuup ineriartorleruttorfiani Raatiup qaqqaani peroriartortoq. GU-mi nasartaareernermi kingorna nunatsinni politikkimik suleriaatsimik nutaamik pilersitsiniarluni Nuna tamakkerlugu suliniuteqalersoq.

     

    Ukiumi kingullerni politikkikkut suliniuteqarnermi inuusuttut politikkikkut nipeqarnerunissaannik suliniuteqartoq. Nunarsuarmiooqataanermik nunatsinni inerisaajumalluni suliaqartoq.


    Minnerunngitsumik ukiuni kingullerni Inatsisartunut ilaasortaanermini nunatsinni politikkikkut ineriartornermi pitsaasumik suleqataasimasoq aammalu Inatsisartunut Siulittaasup tulliata-aappaattut inissisimalersimasoq.

     

    Inatsisartut inuusunnersaraat

    Ineqi Kielsen qinersineq kingulleq november 2014, oqaluttuarisaanermi qinigaasimasut nunatsinni inuusunnersarilerpaat. Ineqimut inuusunnersatut iserneq unammillernarsimaqaaq.

     

    Sermitsiami allaatigisaq uani takuuk

     

    Ineqi inuusunnerpaagaluarluni siorna maj 2016 inatsisartut siulittaasoqarfianniilerpoq, Inatsisartut siulittaasuata tulliata-sisamarivaat, novemberilu 2016 siuariaqqilluni Inatsisartut siulittaasuata tulliata-aapparilerpaa. Ineqi ataatsimiitsitaliarpassuarni ilaasortaasarluni suli ilaasortaavoq.

     

    Narsaq illoqarfigaara tikeqqalaarparali

    Ineqip inatsisartutut sulineq salliullugu suliassamisut toqqarsimavaa. Saniatigut kattuffilerinerit avataatigut aningaasarsiaqaataasunik nukiit allanut atorniarnagit. Ataatsimiitsitaliani arfineq marluusuni ilaasortaanermigut suliassarpassuit tulleriissaarnerini Ineqip illoqarfinni Narsaq tikeqqalaalersimavaa. Allaat nunaqqatiminit aperineqartalersimalluni illoqarfimmut allamut nuussimanersoq.

     

    Ineqilli pingaartilluinnagaraa illoqarfik qinigaanermini najukkani puujunnginnissaa aammalu allanut assigiisillugu sullinnissaa.

    Ikinnguteqarpunga tapersersuilluartunik

    Ineqip ulluinnarni sulinermini misilittakkanik ilaanni amigarsisoor-tarnermini ilaatigut ikinngutini tapersersortigilluartarpai. Pingaar-tumik Siumup inuusuttaani ukiuni atuuffiini sulisimanermi sineri-ammi ikinngutigilersimasani politikkikkut aalajangerniarnermi inu-usuit nipaat sineriammeersoq tusassallugu pingaartittarpaa.

     

    Taakkuali ikinngutaalersimasut aamma Ineqimut pingaartumik ar-tornartorsiorfinni ulluni, aammalumi ulluni nuannaarfinni nukitto-qqutaallutik pisarnerat Ineqip pitsaasumik sulinissaanut toqqam-maviliisuulluartut Ineqip oqaatigisarpaa.

    Nutaamik eqqarsarneq aqqutigaara

    Ineqip ulluinnarni politikkeritut sulinermini pingaartilluinnarlugu oqariartuutigisarpaa nunarsuarmiooqataanerup ineriartortinnis-saa qanoq pingaaruteqartigisoq.

  • Sunniuteqaqataaffiit

    Ilaatigut Siumumi siulittaasup tulliata aappaatut, Siumup inuusuttaanni allattaanertut aammalu Nunatta Inatsisartuini Siulittaasup tulliata-aappaattut suleqataaffigaakka:

    S.I.S

    Siumup Inuusuttunut Suleqatigiiffia

    Inatsisartut

    Parliament of Greenland

    SIUMUT

    Partii Siumut

All Posts
×