Return to site

Royal Greenlandip allaffeqarfia nunatsinnut nuussiuk!

All. Ineqi Kielsen

Inuusuttut nunarsuarmi niuersinnaanermik ilinniartinneqarsinnaanissaat aatsaat qulakkeerneqarsinnaavoq Royal Greenlandip allaffeqarfiata nunatsinnut nuunneqarneratigut.

Politikkikkut oqariartuutigineqarpoq inuusuttut niuersinnaanissamut tigusiartuaarnissaannut pikkorissiartortariaqartut. Tamanna timitalerneqassappat Royal Greenlandip niuernikkut qitiusumik allaffeqarfiata nunatsinnut piaarneqarpaamik nuunneqarnissaa aqqutissaavoq. 

Inuusuttut praktikkerfissaaleqipput! Niuernermik ilinniarfimmi ilinnialissagaanni piumasaqaataavoq praktikkerfissaqarnissaq. Ajoraluartumilli inuusuttorpassuit ilinniarumasut praktikkerfissaaleqinertik  peqqutigalugu ilinniarusutaminnik aallartitsinngittoortarput. Tassani Royal Greenlandip qullersaqarfia danmarkimiittoq 180 missaanik sulisulik akisussaaqataalluni nunatsinniittuuguni periarfissiilluangaatsiarsinnaagaluarpoq. Taamatutaaq ilisimasat nunatsinnut nuukkiartuaarneqarsinnaassallutik tamanna aqqutigalugu.

Immaqa oqartoqarsinnaavoq niuerfimmiikkamik nuussinnaanatik. Taamaattoqanngilaq! Nunatsinni teknologi danmarkimisulli pitsaatigilereerpoq, qaa qullersaqarfik Nuussiuk.

Nuussiuk akileraarutit sulisut akilertagaat nunatsinnut tuttaleqqullugit, nuussigit niuernikkut ilisimasat nunatsinniitiinnaqqullugit, nuussigit nunatsinni inuusuttut nunarsuatsinnut niuernissaminnut praktikkerfissaqaleqqullugit!

Taama kaammattorpakka Naalakkersuisut, Royal Greenlandimut piginnittut politikkikkullu siuttuusut.

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly