Return to site

Meeqqanik ussassaarisimaneq piaarnerpaamik unitsinneqarli!

Ippassaq ulloq Aprilip 19-at 2017 facebookkikkut nittarsaanneqarpoq meeqqat sisamat ussassaarneqarsimasut. Tamanna Nuummi pisimasutut oqaatigineqarpoq, siullermik 200 koruuninik akilerniarneqarsimallutik nukimmersormata 500 koruniinik ussiilersimasut. Qujanartumik meeqqat pineqartut taakkua qimaasimammata annerusumik pisoqarsimanngilaq.

Tamanna akuersaarneqarsinnaanngilluinnarmat inuit qinigaattut inatsisartuni ilaasortatut, taamaaliortarneqa pillugu naalakkersuisut apeqquteqarfigaakka. Taamaattumik aalajangerpunga meeqqanut ussassaarisarneq, meeqqanik ulorianartorsiortitsisarneq aammalu taamaaliortut qanoq iliuuseqarfigineqartarnerat pillugu qaammat samminiarlugu nittartakkanni.

Meeqqanik ussassaarsisarneq pillugu paasisitsiniaanerit qanoq annertutigisumik suliaqarfigineqarpat?

Ukioq 2016 meeqqanik ussassaarisarsimanernik qassinik politiinut unnerluussisoqarsimava?

Ullut qulit iluanni naalakkersuisut akissuteqartussaatitaapput. Taamaattumik soqutigaara malitseqartillugu paasiniassallugu sumit toqqammaveqarnersoq meeqqanik ussassaarisarneq. Taamatuttaaq qanoq meeqqanik ussassaarisartut katsorsarneqarsinnaanersut.

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly